" Mushaarka markaad qaadato, maalmaha ugu horeeya ee bisha waxaad ku qadeyn doontaa Hilib digaag (dooro),....."

 

Robert mugabi ayaa xikmadihiisa waxaa ka mid ahaa " Mushaarka markaad qaadato, maalmaha ugu horeeya ee bisha waxaad ku qadeyn doontaa Hilib digaag (dooro), bishu markay dhex sii marayso oo uu mushaarkii sii yaraado hilib digaag lacag aad ku iibsato ma haysatid ee waxaad Cuni doontaa ukunteeda..

Maalmo kadib ma heli doontid lacag aad ukumo ku iibsato ee waxaad Cuni doontaa quudka ay digaaggu cunaan sida masaggada iyo qamadiga.

Dabayaaqada bisha waxaad noqon doontaa sida digaagga oo kale oo waxaad baadi-goob iyo raadin u geli doontaa si aad u hesho wax aad cunto!!."

Mushaarka aad qaadato Waa sida iniin (miro) oo kale oo u baahan inaad beerto si ay geed weyn oo miro leh kuugu dhasho..

Mushaarkaaga wuxuu u baahan yahay inaad qorsheyso oo aad qeyb ka mid ah maal-gashi ku sameyso haba yaraadee, sababtoo ah dhalinyaro xoog leh oo shaqeyn kara ma sii ahaan doontid, qof marwalba caafimaad qaba ma sii ahaan doontid.. ku feker inaad noloshaada u sameyso Ceymis aad hadhow ku badbaadi karto.

Mushaarkaaga u qeybi Afar qeybood:

1- Qeyb aad noloshaada ku maareyso oo aad isticmaasho

2- Qeyb aad maalgashi ku sameyso

3- Qeyb aad Keydsato

4- Qeyb aad sadaqeyso.

Xigasho